Majlinda Kelmendi favorite për medaljen e artë në Poloni

Updated: 09:40 - Prill 18, 2017

Majlinda Kelmendi të enjten do të garojë në kampionatin evropian të xhudos për vitin 2017 që mbahet në Varshavë të Polonisë.

Ajo është favorite absolute për të fituar medaljen e artë.

“Duhet të ndodhë thuajse një mrekulli që Majlinda Kelmendi mos të mbrojë titullin. Një është e sigurt, nuk ka asnjë rivale që e njeh Kelmendin më mirë se partnerja e saj e stërvitjes, Distria Krasniqi, që është bartëse e tretë. Andreea Chitu e Rumanisë është një kandidate tjetër, njëjtë si Odette Giuffrida e Italisë”, ka shkruar sajti i Federatës Evropiane të Xhudos (EJU) në prezantimin e kategorisë deri 52 kg.

Majlinda ka dy tituj të Evropës, në vitet 2016 e 2014, ndërsa në vitin 2013 ajo fitoi medalje të bronztë.

Leave a Reply

Adresa juaj email s’do të bëhet publike. Fushat e domosdoshme janë shënuar me një *