Lewis Hamilton shpallet kampion bote në Formula 1

Updated: 22:01 - Tetor 29, 2017

Lewis Hamilton është shpallur kampion bote në Formula 1 duke fituar trofeun e katër personal. Pilotit britanik i duhej vendi i 5-të, për t’u shpallur kampion, por ai e ka fituar titullin nga vendi i 9-të pasi rivali i tij Sebastian Vettel e përfundoi garën i katërti.

Ka nisur ashtu siç nuk mund të pritej kurrë gara për Çmimin e Madh të Meksikës, me dy pretendentët Vettel dhe Hamilton që pa mbaruar xhiroja e parë e kanë parë veten në dy vendet e fundit.

Vettel tentoi gjithçka për t’ia dalë mbanë duke e përfunduar garën në vendin e katërt, por nuk ka marrë pikët e nevojshme për të qenë akoma në garë me pilotin britanik. Ndërsa janë edhe 2 gara për t’u zhvilluar, diferenca mes 2 pilotëve është 56 pikë nga 50 që janë akoma në lojë.

Leave a Reply

Adresa juaj email s’do të bëhet publike. Fushat e domosdoshme janë shënuar me një *