Komisioni i Disiplinës gjobit Kukësin dhe Flamurtarin për sjellje të gabuar të tifozëve

Updated: 16:57 - Tetor 5, 2017

FSHF ka publikuar vendimet e Komisionit të Disiplinës për ndeshjet e zhvilluara javën që sapo lamë pas.

Disiplina ka gjobitur ekipet e mëdha, si Flamurtari, Kukësi dhe disa prej skuadrave të kategorive të tjera më të ulëta për shkak të sjelljes së gabuar të tifozëve.

Ndërsa ka rrëzuar kërkesen e lojtares së “Tirana AS”, Anela Vishkulli si të pa bazuar në Kodin e Disiplinës Sportive.

Vendimet e Komisionit të Disiplinës

1.KF “Kukësi”, për sjellje të gabuar të spektatorëve duke hedhur sende brenda rrethimit të fushës, në bazë të nenit 66/1 të KDS, dënohet me 100.000 Lekë Gjobë.

2.KF “Sopoti”, për braktisje të ndeshjes kundër Lacit e vlefshme për “Kupën e Shqipërisë” Turi 1/16, duke mos u paraqitur në stadium, në bazë të nenit 55/1 të KDS, dënohet me humbjen e ndeshjes në tavolinë me rezultatin 3-0 dhe mospjesëmarrje në garë për sezonin pasardhës.

3.“Flamurtari” F.C, për sjellje të gabuar të spektatorëve duke përdorur fjalë fyese kundër zyrtarit të ndeshjes, në bazë të nenit 66/1 të KDS, dënohet me gjobë në masën 100.000 (njëqindmijë) Lekë.

4.Zyrtari i KF “KamzA”, Albert Bano, për protestë me fjalë ofenduese ndaj zyrtarëve të ndeshjes, në bazë të Nenit 56/1/a) të KDS, dënohet me 2 (dy) ndeshje pezullim nga aktiviteti.

5.KF “Besa”, për sjellje të gabuar të spektatorëve duke hedhur sende brenda rrethimit të fushës, në bazë të nenit 66/1 të KDS, dënohet me 50.000 Lekë Gjobë. Në aplikim të Nenit 136 /a) të KDS, gjoba të aplikohet në masën 50%.

6.KF “Egnatia”, për sjellje të gabuar të spektatorëve duke hedhur gurë brenda rrethimit të fushës së lojës, në bazë të nenit 66/3/a) të KDS, dënohet me zhvillimin e 1 (një) ndeshje pa spektator në stadiumin përkatës.

7.Lojtari i KF “Korabi”, Mishel Kita, për sjellje ofenduese ndaj zyrtarit të ndeshjes, në bazë të Nenit 56/1/a) të KDS, dënohet me 2(dy) ndeshje pezullim nga aktiviteti.

8.Lojtari i KF “Shkumbini”, S.Hasanaj, për sjellje ofenduese ndaj zyrtarit të ndeshjes, në bazë të Nenit 56/1/a) të KDS, dënohet me 2 (dy) ndeshje pezullim nga aktiviteti.

9.Lojtari i KF “Iliria”, Anton Lleshi, për sjellje jo sportive ndaj kundërshtarit, në bazë të Nenit 48/1/d) të KDS, dënohet me 2 (dy) ndeshje pezullim nga aktiviteti.

10.KF “Oriku”, për sjellje të gabuar të spektatorëve duke hedhur sende brenda rrethimit të fushës, në bazë të nenit 66/1 të KDS, dënohet me 50.000 Lekë Gjobë. Në aplikim të Nenit 136 /a) të KDS, gjoba të aplikohet në masën 50%.

11.Zyrtari i “Sopoti”, Besnik Çota, për protestë me fjalë ofenduese ndaj zyrtarëve të ndeshjes, në bazë të Nenit 56/1/a) të KDS, dënohet me 2 (dy) ndeshje pezullim nga aktiviteti.

12.Rrëzimin e kërkesës së lojtarëve të “Laci” U17, Gentjan Blini, Elton Stafa, Ronaldo Gjinaj si të pa bazuar në Kodin e Disiplinës Sportive.

13.Pranimin e kërkesës së lojtarit të KF “Erzeni”, Denis Troplini, pezullimin e pjesës së mbetur të dënimit prej 1 (një) ndeshje. Në bazë të nenit 33/4 të KDS, lojtari Denis Troplini vendoset në provë për një periudhë 6 mujore.

14.Rrëzimin e kërkesës së lojtares së “Tirana AS”, Anela Vishkulli si të pa bazuar në Kodin e Disiplinës Sportive.

15.Rrëzimin e kërkesës së KF “Minatori” lidhur me pezullimin e lojtarit Denis Mema, si të pa bazuar në Kodin e Disiplinës Sportive.

Leave a Reply

Adresa juaj email s’do të bëhet publike. Fushat e domosdoshme janë shënuar me një *