Etrit Berisha, Atalanta kërkon ta blejë përfundimisht portierin shqiptar

Updated: 19:08 - Nëntor 2, 2016

Ai është ai që kërkonin,njeriu që ul qepenat e portës. Një portier që ndihmon në prodhimin e pikëve.

Por në cep është kontrata me Lacion, prandaj në janar duhet të nisë operacioni Berisha. Atalanta po i afrohet në këtë fillim sezoni në Serinë A zonës së Europës, një meritë shumë të madhe padyshim që e ka portieri i kombëtares shqiptare.

Pritjet e portierit shqiptar kanë shpëtuar shpeshherë katërkëndorin e skuadrës së qytetit të Bergamos, duke u kthyer në lëvizjen më të goditur të merkatos për këtë klub.

Berisha është vetëm në huazim te Atalanta dhe teorikisht, në fund të sezonit duhet të kthehet te klubi i Lacios me të cilin ka një kontratë deri në vitin 2018.

Palët janë të ndërgjegjshme se qëndrimi i tij te Atalanta do të ishte gjëja më e mirë e mundshme, ndaj prej disa ditësh, dhe kjo ka sjelle që dy klubet kanë filluar bisedimet intensive për transferimin përfundimtar .

Lacio kërkon 3,5 milionë euro për kartonin e portierit . Klubi bergamask është gati ta paguajë këtë shumë, por Lacio tashmë është e interesuar jo për paratë, por që të përfshijë Berishën në një shkëmbim me sulmuesin Alberto Paloski.

Sipas burimeve mediave italiane, shkëmbimi është mëse i realizueshëm, pasi Lacio është gati t’i ofrojë Atalantës kartonin e Berishës dhe 2,5 milionë euro të tjera, për të arritur shumën e 6 milionë eurove për të cilën klubi e bleu atë nga Suonsi gjatë verës.

Marrëveshja mund të konkretizohet në janar, pasi Simone Inzagi kërkon një alternativë për Imobilen. Kjo do të thotë se viti 2017 mund ta gjejë Berishën të shkëputet përfundimisht nga skuadra e Lacios.

Leave a Reply

Adresa juaj email s’do të bëhet publike. Fushat e domosdoshme janë shënuar me një *